Tuesday, November 25, 2008

انا من اسبوع وانا خارجه من الكليه شوفت زى برتشن مكتوب عليه comet ده عباره عن موتمر بقاله ست سنين بيفتح قدام الكليه و
خدت بالى منه لان السنه اللى فاتت انا كان تركيزى اوى فى مزاكرتى زى مقولتلكوا فمكنتش بحاول اعرف الانشطه اللى فى الجامعه فروحت اعرف ايه ده وعرفت ان جوه المنظمه دى اربعه اقسام هم التسويه والبورصه والمدير التنفيذى والاقتصاد بس وانا المهم من اسبوع كده كنت بتكلم مع بابا ربنا يخليهولى وكنت بقوله ان انا عايزه اعرف كل حاجه على البورصه فلما لقيت المنظمه دى فرحت فروحت مليت ابلكيشن وقالتلى امتحانك يوم التلاتاء وروحت النهارده دخلت المبنى وطلعت وكان معايا بسنت صحبتى وادونا انا وهيا ورقه اسئله كان فى الورقه سوال بيقولك ايه عاصمه المانيا وكام عدد محافظات القاهره وترجمه 3 جمل من انجيليزى لعربى وتعرف ايه عن المنظمه دى وبعدين ندهو عليا روحت قعدت مع الموديل قالتلى اتكلمى عن نفسك فاتكلمت وبعدين قالتلى قولى عيبين متحبهومش فى الشخص انا قولتلها البخل والكدب وقالتلى تعرفى ايه عن البورصه قولتلها ان الشخص بيبقا الاول معاه كود بالكود ده ممكن يضارب فى البورصه ويشترى اسهم ويبيعها عشان يحقق ربح او خساره حسب السوق بس ده كلى اللى عرفه وقولتلها هيا معلومات بسيطه بس ممكن لو ادوتونى الفرصه اعرف حجات اكتر عنها فقالتلى انهم هيكلمونى لو اتقبلت فى اول ديسمبر لان هما هيبتدونا ينزلوا البورصه الترم التانى بس اتبسطت من نفسى اوى لانى سعيت لحاجه انا كنت عايزاها ومكسلتش

دخول الجامعه

بعد ما خلصت الثانويه العامه كان عندى امل زى اى بنت فى الالتحاق بكليه معينه فاملىء انا كان فى الالتحاق بالالسن بس النتيجه طلعت وجبت 92 ونص واستنيت التنسيق ولسوء الحظ التنسيق طلع عالى فحلمى متححقش لان الالسن كانت بتاخد 95 وجاتلى كليه تجاره وبعدين عملت تنسيق داخلى عشان ابقا انجيليزى والحمد الله جاتلى كليه تجاره انجيليزى واسعد يوم فى حياتى لما عرفت ان الكليه جاتلى مع ان دى مكنش حلمى بس ان انتى تنتقلى من فتره لغيرها دى حاجه جميله (من الثانويه العام للجامعه)
اول يوم فى الجامعه بقى ما كنتش عارفه اى حد وما كنتش فاهمه اى حاجه لان الدكاتره بيتكلموا انجيليزى وفضلت كده حوالى اسبوعين برضه من غير ماأعرف حد بس حسيت ان الكليه دى خنيقه وصعبه وبعدين ابتديت اتعرف على ناس وعملت جروب كويس اوى من6 بنات .. ونجحت فى اولى والحمد الله وجبت جيد مع ان طموحى كان فى اكتر من كده ولانى عملت مجهود كبيرعلشان كنت فرحانه بالانتقال من المرحله اللى قبلها .
انا دلوقتى فى تانيه وخلصت من تلات اسابيع امتحان الميد تيرم واهو الحمد الله حليت كويس فيها ربنا معايا بس والايام ماشيه اهى وبسرعه وداخلين على امتحانات نصف السنه ربنا مع الجميع