Tuesday, November 25, 2008

انا من اسبوع وانا خارجه من الكليه شوفت زى برتشن مكتوب عليه comet ده عباره عن موتمر بقاله ست سنين بيفتح قدام الكليه و
خدت بالى منه لان السنه اللى فاتت انا كان تركيزى اوى فى مزاكرتى زى مقولتلكوا فمكنتش بحاول اعرف الانشطه اللى فى الجامعه فروحت اعرف ايه ده وعرفت ان جوه المنظمه دى اربعه اقسام هم التسويه والبورصه والمدير التنفيذى والاقتصاد بس وانا المهم من اسبوع كده كنت بتكلم مع بابا ربنا يخليهولى وكنت بقوله ان انا عايزه اعرف كل حاجه على البورصه فلما لقيت المنظمه دى فرحت فروحت مليت ابلكيشن وقالتلى امتحانك يوم التلاتاء وروحت النهارده دخلت المبنى وطلعت وكان معايا بسنت صحبتى وادونا انا وهيا ورقه اسئله كان فى الورقه سوال بيقولك ايه عاصمه المانيا وكام عدد محافظات القاهره وترجمه 3 جمل من انجيليزى لعربى وتعرف ايه عن المنظمه دى وبعدين ندهو عليا روحت قعدت مع الموديل قالتلى اتكلمى عن نفسك فاتكلمت وبعدين قالتلى قولى عيبين متحبهومش فى الشخص انا قولتلها البخل والكدب وقالتلى تعرفى ايه عن البورصه قولتلها ان الشخص بيبقا الاول معاه كود بالكود ده ممكن يضارب فى البورصه ويشترى اسهم ويبيعها عشان يحقق ربح او خساره حسب السوق بس ده كلى اللى عرفه وقولتلها هيا معلومات بسيطه بس ممكن لو ادوتونى الفرصه اعرف حجات اكتر عنها فقالتلى انهم هيكلمونى لو اتقبلت فى اول ديسمبر لان هما هيبتدونا ينزلوا البورصه الترم التانى بس اتبسطت من نفسى اوى لانى سعيت لحاجه انا كنت عايزاها ومكسلتش

6 comments:

Mony said...

البورصة حلوة يا ايمو بس عايزة مخ صااااحي


ياريت تزوديني بمعلومات زيادة عن المؤتمر بتاع البرصة ده
هل هو دراسة ولا مجال شغل

علشان انا ليا فيها اوييييي

فهمت فيها شوي يعني

اوك
ياريت لو تقوليلي المؤتمر ده هيخلص امتي و ايه المطلوب فيه


معلش اول مرة ادخل كده و بطلب طلبات بأه

ماهو البيت بيتي
ههههه

dreem said...

ايمو
ماشى يا ستى هنبتديها بارغى بقى شكلك هتاخدى اصحابى منى يا سوسة ههههههه
ان ما وريتك

Monosh said...

ازيك يا مونى انا سعيده لانك قراتى الموضوعين الصغيرين دول بس الموتمر ده لطلاب كليه تجاره عربى وانجيليزى بعد الاختبار اللى بيعملوه لكل شخص بتطلع النتيجه وبيكلموا المقبولين فى اول ديسمبر وبعدين ياخدوهم للبورصه يمرنوهم لغايت ميخلصوا الكليه وبعدين بعد التخرج ينزلوا يشتغلوا بس
دى كل معلوماتى وعلى فكره انا بحب الطبخ جدا وبتفرج فى الاجازه على من كل بلد اكله ومعجبه جدا بمطبخك يا مونى وبالتوفيق ان شاء الله

Mony said...

كده برضه يا منوش
:(

طيب مانا لسة في كلية تجارة
;)
طالما ما استلمتش الشهادة الكبيرة الكرتون ديه يبقي لسة في الكلية

و صغننة كمان

.
.
.
.

ايه يا دريم

انت غيرانة من منوش ولا ايه
;)

احنا هنبتديها بأه ولا ايه


لا لا

كده هي بقت اخت مدونة زيها زينا بالضبط
:)


و ليها نفس الواجبات و الحقوق



مش كده و لا ايييييه؟

Monosh said...

اه لا انا معرفش ان انتى متخرجه من كليه تجاره علعموم تعالى الجامعه مره ونورينا فى انشطه كتيره اوى للمتخرجين وغيرهم هتستفادى بيها لو عندك وقت

Anonymous said...

أخى كريم أهلا وسهلا بك …أنزلت إدراج جديد وإنشاء الله يعجبكم أنته وكل الأصدقاء المدونين ..